Malittarisassat

PEQATIGIIFFIMMI IMMIKKOORTORTAMI NALINGINNAASUMIK MALITTARISASSAT

Nalinginnaasumik malittarisassat saqqummiunneqartut immikkoortortanit malinneqassapput, atuutilernatillu Landsforeningen Autisme-mit akuerineqaqqaassallutik. Malittarisassat minnerpaamik makkuninnga imaqassapput:

§ 1 Aqqa

Landsforeningen Autisme – Kalaallit Nunaanni Immikkoortortaq

§ 2 Siunertaa

Immikkoortortap siunertaa tassaavoq Landsforeningen Autisme suleqatigalugu, tassanilu siunertarineqartut malillugit:

- Inuit Autisme Spektrum Forstyrrelser (ASF)-imik, taamatullu infantil autisme aamma Aspergers syndrom-imik innarluuteqartut pitsaanerpaamik atugarisaannik periarfissiiniarnermik suliniuteqarneq.

§ 3 Anguniakkat anguniarnerini sakkut makku atorneqassapput:

• ASF innarluutigalugu ajornartorsiutit pillugit ilisimasaqarnissamik paasinninnissamillu amerlanerpaanut saaffiginninnissaq
• meeqqat, inuusuttut inersimasullu ASF-imik innarluuteqartut sinnerlugit soqutigisaannik inuiaqatigiinnut oqariartuuteqarnissaq
• innuttaasut ASF-imik innarluutillit angajoqqaavinik qatanngutaanillu tapersersuinissaq siunnersuinissarlu
• meeqqanut paaqqinnittarfinnik atuarfinnillu, sumiiffissanik, ataatsimoorussamik najugaqarfissanik, suliffissanik neqeroorutinik, taamatullu ingerlassassanik allanik timersornermut kulturimullu tunngasunik innuttaasunit ASF-imik innarluuteqartunit pisariaqartinneqartunik pilersitsiortornissaq tapersersuinissarlu
• innuttaasunut ASF-imik innarluuteqartunut pisariaqartut naapertorlugit neqeroorutaasut pitsaassuseqarnissaasa, taamatullu inuit pineqartut ataasiakkaarlutik kissaatigisaasa toqqammavigineqarnissaata qulakkeerneqarnissaa
• ilisimatusarnerup pisariaqartinneqartup tamassumalu kingorna paasisitsiniaanerup siuarsarneqarnissaa
• ilaasortat iluaquserniarlugit sapinngisamik naalakkersuinikkut eqeersimaarnissap sunniuteqarnissallu annertunerpaamik anguniarneqarnissaat

§ 4 Ilaasortat ilaasortaanerlu

Kikkulluunniit peqatigiiffiup siunertaanut tapersersuerusuttut ilaasortanngorsinnaapput. Immikkoortortami ilaasortat aamma Landsforeningen Autisme-mi ilaasortaassapput.

Ilaasortaanermut akiliut Landsforeningen Autisme-p sinniisoqarfianit aalajangerneqartarpoq, Landsforeningen Autisme-mullu akilerneqartussaalluni.

§ 5 Ataatsimeersuarneq

Immikkoortortami oqartussaasoq tassaavoq ataatsimeersuarneq. Qaammatip marts-ip naannginnerani nalinginnaasumik ukiumoortumik ataatsimeersuarneq ingerlanneqartassaaq.

Siulersuisut aalajangernerisigut imaluunniit ilaasortat minnerpaamik pingajorarterutaasa allakkatigut tunngavilersukkatigut kissaatigippassuk immikkut ittumik ataatsimeersuarneq ingerlanneqassaaq.

Nalinginnaasumik ataatsimeersuarnermi minnerpaamik makku isumagineqassapput:

1) Aqutsisussamik qinersineq
2) Siulittaasup nalunaarutaa
3) Naatsorsuutit kukkunersiorneqarsimasut pillugit aningaaserisup nalunaarutaa
4) Siulersuisut siunnersuuteqarsimappata siunnersuutinik saqqummiussineq oqallinnerlu
5) Siunnersuutigisimasat allat saqqummiunneri oqallisiginerilu
6) Siulersuisuni ilaasortanik qinersineq
7) Sinniisoqarfimmi ilaasortanik qinersineq + sinniisussaq ataaseq
8) Kukkunersiuisumik qinersineq
9) Oqaatigiumasat allat

Ataatsimeersuarnermi aalajangerneqartut tamarmik imaqarniliamut allattorneqassapput. Imaqarnialiaq ataatsimeersuarnermi aqutsisumit atsiorneqassaaq.

§ 6 Siulersuisut

Siulersuisut minnerpaamik pingasunik ilaasortaqassapput. Siulersuisut autismemik innarluutit assigiinngitsut tamaasa sinniisuuffigisinnaasagaat anguniarneqassaaq.

§ 7 Aalajangigassat pingaaruteqartut

Landsforeningen Autisme-p akuersissutaa piginagu illumik pisisoqarsinnaanani, tunisisoqarsinnaanani imaluunniit taarsigassarsianik sallunaveeqqusiisoqarsinnaanngilaq, taamatullu immikkoortortaq sinnerlugu taarsigassarsisoqarsinnaanani.

§ 8 Atsiorsinnaatitaaneq, akisussaaffiginninneq aamma tunissutit

Immikkoortortap avammut kiinarisai tassaapput siulersuisut siulittaasuat siulersuinilu ilaasortaq ataaseq. Aalajangikkat imaqarniliornerat naapertorlugu iliuuserineqartussani aalajangersimasuni atsiorsinnaatitaaneq siulersuisunit aningaaserisumut tunniunneqarsinnaavoq (prokura).
Illumik pisinermi, tunisinermi aamma taarsigassarsianut qularnaveeqqusiinerni kiisalu aningaasanik atorniarnerni immikkoortortami siulersuisuni ilaasortat tamarmik tunuliaqutaassapput, tamannalu sioqqullugu Landsforeningen Autisme akuerseqqaassalluni.

Immikkoortortami aningaasat uninngatitat tassaapput immikkoortortami kisimik akisussaaffigineqartut. Tunissutit immikkut piumasaqaatitaqarpata tamanna ataqqineqassaaq.

§ 9 Naatsorsuutit

Immikkoortortami naatsorsuutit ukiortaamiit ukiup naanissaanut ingerlanneqartassapput. Naatsorsuutit immikkoortortami akuerineqartut, taamatullu suliniutit pisortanit aningaasalerneqarsimasut pillugit naatsorsuutit kingusinnerpaamik 1. april Landsforeningen Autisme-p allaffeqarfianut nassiunneqartassapput.

§ 10 Malittarisassanik allannguineq atorunnaarsitsinerlu

Matumani malittarisassat allannguuteqarniartillugit siulersuisut innersuuteqarnerisigut, taamatullu Landsforeningen Autisme-p akuersineratigut kingornalu taasinermi peqataasut ¾-iisa amerlanerussuteqarlutik akuerippassuk kingusinnerusukkut siulersuisut aalajangiinerisa kingorna kingusinnerpaamik qaammatit pingasut ingerlanerini ataatsimeersuarnermi, taamatullu Landsforeningen Autisme-p akuersineratigut tamanna aatsaat pisinnaavoq.

Taasinermi ikinnerussuteqartut najuuttut akornanni minnerpaamik 1/3-ii malittarisassani allannguutissaq pillugu aalajangiineq imaluunniit immikkoortortap atorunnaarsinneqarnissaanut apeqqut pillugu immikkoortortap allap ataatsimeersuarnerani qaqeqqinneqarsinnaavoq, tamannalu minnerpaamik qaammatip ataatsip sivisunerpaamillu qaammatit marluk ingerlanerini isumagineqassaaq.

Taamatut ataatsimeersuartoqaqqissappat siunnersuutigineqartoq tassani taasinermi peqataasunit amerlanerussuteqartunit akuerineqarsinnaavoq.

Immikkoortortap atorunnaarsinneqarnissaanut aalajangiineq siulersuisut innersuuteqarnerisigut aamma ataatsimeersuarnerni marlunni tulleriiaartuni najuuttut akornanni ¾-init akuerineqaruni pisinnaavoq. Taamatuttaaq ataatsimeersuarnermut qaaqqusissummi immikkoortortap atorunnaarsinnissanut tunngasumik oqaluuserisassaqartitami aatsaat ilanngunneqaruni aalajangiisoqarsinnaalluni, taakkulu piumasaqaatit minnerpaamik ullut 14-it akunnerinik piffissaqartitsilluni ingerlanneqassapput.

§ 11 Atuutilernissaat

Malittarisassat pineqartut malittarisassat oqaasertalersornerisa Landsforeningen Autisme-mit akuerineqarnerisa kingorna ingerlaannaq atuutilersinnaapput.

Nuuk, 25. august 2016